По периодот на бременост се ближи најважниот ден во животот на секоја мајка – раѓањето на бебето. Можеби сте сакале да се породите по природен пат, но за жал, тоа не е секогаш можно. Бебето одлучува како ќе дојде на овој свет, и можеби пред да ве запознае, тоа ги менува плановите на сите.

Научното откритие за царски рез беше револуција и им помогна на многу бебиња безбедно да дојдат на овој свет. Породувањето понекогаш може да наиде на компликации, но царскиот рез овозможува да се изврши породувањето за мама и бебето да останат здрави. Има многу специфики и импликации за царскиот рез, од кои некои не се добро познати, но ние сме тука да ви ги дадеме сите важни информации што треба да ги знаете за овој начин на породување.

Ако се примени целосна анестезија за време на царскиот рез, се јавува одложен контакт кожа на кожа помеѓу мајката и бебето. Овој период на одвојување може да биде тежок за справување како за  мајката, така и за бебето. Но, дајте си време. Ќе има многу моменти кога ќе можете да ја зацврстите емотивната врска, како што се доењето или вештачкото хранење, капење и заспивање на бебето.

Хормоните кои се ослободуваат при вагинално породување на најдобар можен начин ги подготвуваат мајката и бебето за доење. Во случај на царски рез, можното одвојување од вашето малечко или болката предизвикана од раната може да го отежнат почетокот на доењето.

Ако доцните со лактацијата или ако не можете да го доите вашето дете од било која друга причина, постојат специфични млечни формули со додени бифидобактерии кои можат да бидат корисни за вашето бебе.

Сега, бидејќи знаете дека и покрај овие особености на царскиот рез, можете брзо да се вратите на вистинскиот пат, да започнете со соодветни подготовки - напишете потсетник, истражете повеќе информации или консултирајте се со вашиот лекар. Така ќе ви биде полесно да се движите низ сите почетни фази низ кои успешно ќе поминете заедно со вашето подготвено стабилно бебе.

Ако полека се подготвувате за породување со посетување школа за родители или постојано читајќи за тоа, претпоставуваме дека сте наишле на поимот бифидобактерии. Значи, ајде да дознаеме повеќе за тоа.

Добро е да знаете зошто бифидобактериите се толку важни за вашето новороденче. Тие позитивно влијаат на развојот на имунолошкиот систем, помагаат во спречување на инфекции и произведуваат важни супстанции кои влијаат на понатамошните физиолошки процеси.

Пред, за време и по раѓањето, бифидобактериите се една од првите бактерии кои се населуваат во цревата на бебето. Заедно со многу други бактерии, тие се дел од цревната микробиота - позната и како цревна флора. Ова се однесува само на природна колонизација на бактерии во цревата.

Бифидобактериите се пренесуваат од мајка на бебе. Меѓу другото, бебињата природно внесуваат бифидобактерии преку:

• породилниот канал при вагинално породување
• мајчиното млеко кога бебето е доено

Мајчиното млеко не само што содржи многу корисни бактерии, туку и специјални влакна кои несварени стигнуваат до дебелото црево и таму ги хранат овие корисни бактерии за да можат да се размножуваат.

Бифидобактериите може да се добијат и од други извори. Друг начин на внесување, доколку вашето малечко го донесете на свет со царски рез или доењето поради некоја причина не е возможно, е преку млечни формули кои се богати со бифидобактерии.

Голем дел од имуните клетки, околу 70 до 80%, се наоѓаат во цревата. Бидејќи тие се под силно влијание на бактериите што се населуваат таму, бифидобактериите исто така имаат значаен придонес во развојот и созревањето на имунолошкиот систем на бебето. Сега кога научивте повеќе за влијанието на бифидобактериите, можете дополнително да влијаете и да го поддржувате долгорочното здравје на вашето малечко

Здравото црево со урамнотежена цревна микробиота е важно за сите бебиња, без разлика на начинот на раѓање или хранење, бидејќи доведува до помалку инфекции, гастроинтестинални тегоби како дигестивни нарушувања, алергии, егзема.

Веруваме дека ве доближивме до важната улога на оваа корисна бактерија. Ако сакате да дознаете повеќе информации за бифидобактериите и нејзиното влијание, секогаш можете да го контактирате вашиот педијатар.